tanhaayi, sangdil tanhaayi, sang laayi yaad teri sang laayi
baar baar woh bahaar phirse yaad aayi
sooni sooni raah dil ki jisane thi sajaayi
tanha dil (roya re... dil roya re - 4)

har taraf bikhare hai teri yaad kehi nishaan
meri har ek cheez mein hai teri hi parchhaayiyaan
tu hi hota hai, tu hi rehta hai mujhme har dum sada
paas bhi tu hai, door bhi tu hai yeh kaisi khala
yaad banke ashq teri aankhon mein samaayi
yaad banke ik hansi honton pe bhi aayi
tanha dil (roya re... dil roya re - 4)

chaand suraj bhi wahin hai, hai wahin aasmaan
zindagi bhi chal rahi hai, chal raha hai jahaan
main hi thehra hoon khud mein simta hoon, dil hai ghum se bhara
bin tere kaise jiyu main, kuchh toh de mashwara
zindagaani aisi rehgujar pe mujhko laayi
saaye se bhi abb tere ho gayi judaayi
tanha dil (roya re... dil roya re - 4)

(anjaana dil kya jaane, begaana dil kya jaane
darr jaata hai kyun paake khushiyaan
yeh jo main bekaraar hoon, har lamha ishq toh nahi
yeh jo mujhe bekhudi si hai, tu jaise mujhmein hai kahin) - 2

kabhi baahon mein hai duniya
kabhi khaali khaali raahein
kabhi barta hai dil thandi thandi aahein
kabhi aankhon mein hai sapne
kabhi palko pe hai aansoo
yeh ishq dikhaaye kaise kaise jaadu
kabhi dhoop kabhi barsaatein
kabhi kabhi tanha tanah raatein
mausam hai kitne aate jaate in wafaaon ke
anjaana dil kya jaane, begaana dil kya jaane
darr jaata hai kyun paake khushiyaan
yeh jo main bekaraar hoon, har lamha ishq toh nahi
yeh jo mujhe bekhudi si hai, tu jaise mujhmein hai kahin

milna hai pal do pal ka, phir lambi hai tanhaayi
pachaayi se kat jaati hai pachaayi
kho jaata hai woh chehara, bas aati hai aawaazein
dil karata hai khud se hi aksar baatein
wahin phiki phiki subahein, wahi bojhal bojhal shaamein
mausam hai kitne aate jaate in wafaaon ke
anjaana dil kya jaane, begaana dil kya jaane
darr jaata hai kyun paake khushiyaan
yeh jo main bekaraar hoon, har lamha ishq toh nahi
yeh jo mujhe bekhudi si hai, tu jaise mujhmein hai kahin